سلامووووو يالله حيهم الكل نفر نفر << حشا مطعم بخاري مو مقدمه ههههههههه
تصدقون اني توحشتكم والمنتدي الله يطعني عنه << منذو مبطي ودي احط موضوع بس النفسيه
قافله شوي < انتي بكبرتس قافله ههههههههههههه
المووووووووووهم
في يوم من الأيام قررت أصير سنعه بدال ماتعيرن أمي ياخنفسانة قضيض كناية عن الخنفسانه
اللي تتدربى بدون سنع وشهباء بعد < انطمي أزين
قلت ياماما تدللي كل شيء باسويه وش تبين انتي بس قالت لاتقولين ماما موب لايق
وعقبه اكلت تبن قلت يمه اخلصي وش تبين ؟!
قالت اول شيء درسي عطية الله < هذا جدتي لابغت تشفر اسم واحد علشان مانفهم السالفه تسميه
عطية الله تحسبيننا ياجديدة مانفهم تراي عرفت منهو عطية الله
المهم نعود لسالفتنا عطية الله هذا قعدتنا أبثر مخلوق بالكون وغبي ودبشه وكمخه < خلاص يكفي
اثم جنين الماما والبابا أمير انقز باسوي نفسي متحمسه وأناديه يا... يا... نسيت اقولكم وأخوي ذا
صمخه موب يسمع او يسفهن وامسكه واتله مع أذنه ويسحب شنطته وراه
ونفتح الجدول أول حصة قرآن .. تصدقون بغيت أهون قلت بلا ادرسك بلا هم لان عطية الله
جنيننااذا جاء يحفظ قرآن يمر على كل أهل البيت والجيران يحفظون معنا مابقا احد حتى الشغاله
تعلمت القراءة والكتابه في سبيل تعلم جنيننا
وأتعوذ من إبليس وأطلع القرأن وافتحه وألتف وألقا ابو الشباب متكي يناظر mbc3 وأصبخه
مع دميجته وأفصل السلك وبدينا بالتلاوة العطرة مع نملة متحنيه
ونفتح حلقة عبدالباسط عبدالصمد واسمع بنت الجيران تردد معنا
واستمر تحفيظ سورة القدر يومين ونص وهن كلهن أربع آيات
وحفظه وينسى كلمة حتى بس تغاضينا عنه <<ابحثو عن كلمة حتى بسورة القدر واللي يلقاه له هدي
ونسوي حفلة وتهلل أمي ويكبر أبي ويضج البيت بالفرح والشغاله حلفت إلا تطبخلنا من زود الفرح
بس مغصوبين كل يوم ناكل من ايديها رغم انوفنا
وأنا سفطون موب كان راح صوتي وتشلخت بلاعيمي
قلت اسمعوا بتهدونن هديه والا ترا والله عسان للحادث اللي يلخن قدام باب بيتنا إني لانسيه سورة
القدر واللي جابوه بعد << اسويها
ويتنحنح شايبنا ويدق صدره ويقول بنتي طالعتن علي تدللي وش تبين صراحه انا استحيت بس
بعدين قلت يابنت ماينفع الحياء لازم تجبين اللي تبين اجدعي ثوب الحياء وتحلي بالجراءه قلت شف
يبه منب مكلفتن عليكم ابي لاب توب واسكريم بابو وبس < باللهي وش جاب لجاب ويقمط ابوي قال
ابد لاب توبي لتس قالت لابتوبك هالكسرتين ونص مابقا الا ادفه باصبعي الصغير ويتحلل وينعجن
تهك علي يابابا العزيز افا انا بنتك طالعتن عليك
وحجرتله وشريت لاب توب ال جي الرام ثلاثه قيقا وناويه بسورة العلق أجيب ساعة وشنطة
وسورة التين أثث غرفتي ...وهكذا
وأبشركم صرنا أنا والبثر أصدقاء قائمة صداقتنا على ملصحة وطيدة حيث أني جدعت عليه لاب توبي القديم
وقلت شف يابن امي وابوي والله ان تعقل وتصير ادمي
واذا جاء احد يدرسك سو نفسك دبشه وتكيمخ
وصرت أنا مفككة الازمات اللي ادرسه واتحمل بثارته وصار شاطر وعنده شهادتين تفوق
واعتليت قمة مهمة بالبيت بعد ماكنت تحفه مرمية بالصاله ومغبره بعد
وتحققت جميع ورغباتي ومستلزماتي
وابشركم خطبوني اثنين علشان ادرس عيالهم < لا عاد ذي تسذبه
اختبار التفسير الصفحة الثانية السؤال الثالث فقره ج
هات\ي مايستفاد من تدريس البزارين
للمزيد من مواضيعي
06-18-2009, 07:34 PM
في يوم من الأيام قررت أصير سنعه
رد: في يوم من الأيام قررت أصير سنعه
المواضيع المتشابهه
العرض العادي
