أنظم لمتآبعينا بتويتر ...

آو أنظم لمعجبينا في الفيس بوك ...
قديم 11-16-2010, 10:40 PM   #1





افتراضي قصيدة ملذات الحياة لحامد زيد وناصر القحطاني [الكلمات + الفيديو ]





كلمات قصيدة ملذات الحياة لناصر القحطاني وحامد زيد , يوتيوب قصيدة ملذات الحياة حامد زيد وناصر القحطاني ,فيديو دويتو ناصر القحطاني وحامد زيد قصيدة ملذات الحياة


كلمات القصيده :
ناصر:
الله يا زين الليالي كل ما نرجع ورا
شان الزمن ياهل ترى .. والا يا عالم وش جرى
لا طعم للضحكه ولا اللقمه ولا حتى الكرى
والعمر ينقص مثل ما تنقص ملذات الحياة

ما فيه صدر الا وفاح ولا كلام الا انحكى
واللي شكا واللي بكا .. واللي على الحزن اتكا
واللي خذا له بندق و دور خويه و ارتكى
حتى افلس وضاقت عليه الأرض من كل الجهات

حامد:
كلن يجود بنيته ولكل مؤمن مانوى
الكره داء بلا دوى .. واصابعك ماهي سوى
العين تتبع ما هوت والقلب يتبع ما هوى
وان قوّم الله القيامه نسأل الله الله الثبات

مايجرحك غير الصغير اللي يحسب انه عظيم
لاهو بشهم ولا كريم .. ولا سراطٍ مستقيم
تعامله مثل الخوي ويعاملك مثل الخصيم
ان كانها من باب غيره ما يغار الا البنات

ناصر:
إلا على طاري النسا .. قل للنسا عل وعسى
تذكرون اللي نسى .. وتدلهون اللي قسى
وإلى تردى بعضنا .. تكفون يا جمع النسا
اخذوا الغتر والثوب واعطونا الغطاوي والعباة

يمارس الهاوي هواه من المهد لين اللحد
حتى اكثر العالم جحد .. واصبح مااحد فاضي لاحد
من قدم السبت احسب انه دايما يلقى الأحد
لاواحلالاه سنتين من العصور الماضيات

حامد:
صحيح لي قال المثل : ما كل حاجة بالفلوس
المال مايجمع نفوس .. ان عز روس يذل روس
من صار للدرهم قدر والناس تنداس وتدوس
جمع الرجال الاوفياء يغنيك عن جمع الفتات

اللي يحسب ان الرجوله فالشماغ وفي العقال
وبالضيق ماهو راس مال .. وما يعد من الرجال
هذا اللي لي من ثورت في راسه الطلقه حلال
الموت خير من الحياه اذا الحياء بالناس مات

ناصر:
الفقر كرهنا بعضنا..والنبي منه استعاذ
وان ما لقى الطاير ملاذ .. العمر تاليه النفاذ
إلى اجدبت كف العزيز ولا غشاها الا الرذاذ
قل له عليك ان طعتني بالباقيات الصالحات

كن مبتسم واحذر يقال انه عبس والا بسر
حتى ولو جاك العسر.. تلقى مع العسر اليسر
اجبر خواطر وانتبه ينقال خاطرك انكسر
وارسم حلومك في البياض مربعات مربعات



حامد:
ياكثر ما عبنا الزمن واثر الزمن مافيه عيب
إن عشت ذيب ومت ذيب .. وكل فعلك فعل طيب
خذها نصيحه من مجرب قبل لا تسأل طبيب
اذا عيون الناس باتت عين ربك ما تبات

الله عطاك الموهبه والله كريم اليا وهب
لو حكيهم يشعل لهب .. واقلامهم توزن ذهب
ماتبت ايدين النبي تبت يدين ابو لهب
اللي جمع شتاتهم يقدر يرجعهم شتات

ناصر:
من هم بصعود الدرج .. لا يلتفت للي هرج
يصبر و لو حظه عرج .. والصبر مفتاح الفرج
وإن حس في صدره حرج .. والهم طول ما خرج
يجلس مع نفسه دقايق فوق سجادة صلاة

افتح عيونك للحياه أكثر وناظر في علو
لو عنك احبابك سلو .. و اعداك في كرهك غلو
والله لو تصنع من الليمون مشروبٍ حلو
كان اكتشفت الوجه الأجمل للمحن والنايبات

حامد:
ان صابك من النايبات المعضله خطبٍ جلل
واجتاحتك موجة ملل .. وإغرورقت عينك بلل
يا عل كتف الصاحب اللي ما يشيلك للشلل
ولا بارك الله بالرفيق اللي يسوي هالسوات

حتى ولو تقدر تبوق الكحل من فوق الرموش
وتجري مثل جري الوحوش .. سواة رزقك ماتحوش
يعني بلا توفيق ربك لا تهوش ولا تنوش
يالادمي ما فات مات و كل ما هو آت.. آت

ناصر:
الله على قدر النصيحة فى القديم من الزمن
كلٍّ إلى قالوا تمن .. قال أشري وصاه بثمن
واليوم الآباء قبل الابنا نصفهم ما ينضمن
وجدي على لقمان والا يا وجودي يا بْركات

تشكي مشاعرنا الجفاف وكل صدرٍ فيه خوف
أزمة ثقه وأزمة ظروف .. الكل منها ما يشوف
من كثر ما قل العدل ما عاد يرجون الضعوف
من بيت مال المسلمين ايّ صدقه وايّة زكاة

حامد:
من عزه الله في ذرانا ذي فراش وذي غطا
نعطي ولا نرجي العطا .. ولا يجي منا الخطا
نصبر على مر الليالي لو يطول ابنا البطا
بعض الاوادم لو يموت من الفقر ما قال هات

ما يجتمع كفٍ جواد ومدةٍ متباهيه
خل الاوادم لاهيه .. واعط العطايا راهيه
ياتكرم الناس بشرفها , يا تغور بداهيه
لو صدق لك نيه تجود تجود لكن من سكات
-





rwd]m lg`hj hgpdhm gphl] .d] ,khwv hgrp'hkd Fhg;glhj + hgtd]d, D








انشر الموضوع




  رد مع اقتباس


قديم 11-16-2010, 11:25 PM   #2

سبحانك ربي إني كُنت من الظالمين .




افتراضي رد: قصيدة ملذات الحياة لحامد زيد وناصر القحطاني [الكلمات + الفيديو ]






-


يعطيك ربي العآفيه j1 ~










  رد مع اقتباس

قديم 11-17-2010, 04:19 PM   #3





افتراضي رد: قصيدة ملذات الحياة لحامد زيد وناصر القحطاني [الكلمات + الفيديو ]




-

الله يَعافيكِ عشق
يَ هلإ نورتي
وشُكراً لِ جمآل تَوآجدك ~










  رد مع اقتباس

قديم 11-17-2010, 11:08 PM   #4

|عضو مميز |




افتراضي رد: قصيدة ملذات الحياة لحامد زيد وناصر القحطاني [الكلمات + الفيديو ]




ــ




مآشآءالله أبيـآتْ حلوه وَ قوويه ,

اقتباس:
اللي يحسب ان الرجوله فالشماغ وفي العقال
وبالضيق ماهو راس مال .. وما يعد من الرجال
هذا اللي لي من ثورت في راسه الطلقه حلال
الموت خير من الحياه اذا الحياء بالناس مات
صح لسآنه /

""
منْ جد كلمآتْ قليلْ في حقهآا كلمة روعه ,



تسلمْ يمينكْ وَ بآركْ الله فيكْ عَ الذوق ~

face35










  رد مع اقتباس

إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر رد
قصائد القحطاني 2010 , قصيدة القحطان , بسم قحطان ارحبو ياهل الجمايل تؤبر تسبدي قصائد صوتيه , قصائد مسموعه 25 02-19-2011 06:35 AM
فيديو رقص ياسر القحطاني العرضه الجنوبيه , فيديو ياسر القحطاني ضيف برنامج ليالي النخبه متۉآضعۃ لگن لهآ ألف هيبۃ≈ اهداف 2012 , اهداف يوتيوب , اهداف كورة 2 08-05-2010 04:03 PM
بحث عن الحجاب , معلومات عن الحجاب الشرعي بالصور , موضوع عن الحجاب الاسلامي بالصور , موضوع قصير عن الحجاب نُجدَ • ~ البحث العلمي , بحث علمي كامل , تقارير جاهزه 6 06-16-2010 01:55 PM
منــــــقول ’’’’’’’ قصيدة في ياسر القحطاني .... ڪَــأإٺـمً أإڷــااهًــاآآتــ قصائد , قصائد شعراء , قصائد منقوله , خواطر منقوله 6 10-13-2009 11:35 PM
حامز زيد وناصر القحطاني ديو في مدح الرسول ~~السامر~~ قصائد صوتيه , قصائد مسموعه 4 09-04-2009 12:10 AM





الساعة الآن 09:55 PM.


Privacy-Policy-Copyright
Powered by vBulletin® Version
Copyright ©2000 - 2014, vBulletin Solutions, Inc.
Search Engine Friendly URLs by vBSEO 3.5.2



تنبية :كل ما يطرح من مشاركات يمثل رأي كاتبة ولا يمثل رأي إدارة الموقع




تطوير : دكتور ويب سايت