ديوان الشاعر مشعل العريعر الخالدي

**~( غفـوْة حُ ـلمـ ●•** · 06-14-2009, 08:09 PM

ديوان الشاعر مشعل العريعر الخالدي

شاعر يحل الحـرف حلّه وعقّاد=وبيني وبين الجزل وصله حميمه

مشعل العريعر
ديوان ...وخز رمّاح .. وهيل فوّاح

ويـش أهلـك قـوم نوح(ن) ثـم لوط .. الثلاثاء النكسه .. 8/4/2008

يقنب السرحان وتضيق الخطوط
كن صوته مخرجه سمّ الخياط

والرجال اللي على العليا تحوط
من سما مسقط الى حدود الرباط

تعلم ان الشعر في طور السقوط
آفل(ن) نجمه ولو شع الشواط

وكل شاش(ن) صار بالدم مخلوط
دمّنا يرخص ولا سحب البساط

والثريا مرقب(ن) دونه شروط
ما يرومه غير اصحاب البلاط

شيخ(ن) فعوله تزايد كل شوط
قرم صيته جرّد الحرف النقاط

لو يروم المجد رجال(ن) (....)
كان صار المجد في هد (......)

ويش أهلك قوم عاد(ن) ثم لوط
غير سلم(ن) عاث به سوء انضباط

من سبابيه الرجال اضحت جنوط
وبدلو وطء العذارى باللواط

يا شجيع القوم يكفينا هبوط
لي متى والشعر مجهول المناط

قالو ان الشعر دونه ألف سوط
واثر ما قالوا خراط(ن) في خراط

وا وجودي يوم حاكو له خيوط
يوم فتق كل جرح(ن) به خياط

لو يمر الشعر في الشخص المنوط
كان ارخى لثمه الذله وأماط

وكان شفت اللي تباهت بالشخوط
لنْكسر مشط(ن) على القذله أحاط

قالت أبشر جيت يا وافي الشروط
جيت دوني حرف فاكسيني النقاط

فتنة شيوخ الفتاوي !!

يوم عدى يكرب الغاوي بغيّه
فتنة(ن) حارت بها شيوخ الفتاوي

حكمها في علم خلاّق البريّه
يوم حكم الغيد في مثله هقاوي

يجبر الزاهد على حمل الخطيّه
واتعب الأيسر بتدوين المساوي

في يديها سحر هاروت وخويّه
منه لون الشمس في عيني سماوي

والبدر يخجل .. الا من لاح ضيّه
ينطفي نوره .. وهو نوره سناوي

لا لمحته ... أذكر الله ونبيّه
وليت عين(ن) ماذكرت ربي عماوي

ولا تدلع ... لعنبو داره وحيّه
يعقد الحاجب .. وانا روحي تلاوي

ولا تباهى .. والمسا يزهى بزيّه
كن ما حوله على الدنيا بلاوي

الله اللي جابل(ن) فيه السجيّه
وفي وصوفه أكثر الشعر متساوي

وصلها لو ترتخي حبال المنيّه
خير من جرح(ن) تكابره المداوي

ليت شعري .. لا طريته كل هيّه
مثل شعره لا طرى المعنى رهاوي

يبطي الخطوه .. وانا شوقي مجيّه
باين اللهفه .. وانا اعد الخطاوي

وان تعدت خطوته نجد العذيّه
والله اني عن مفاليها جلاوي

والثبات اني على روحه وجيّه
لين جدد في مواصله الرجاوي

ودها وان تحمل أشواقي هديّه
يحزن الصاحب .. ويفرح كل غاوي

وان تلتها صرخة(ن) فيها حميّه
والله اني في مواصلها فداوي

النار والروضه ؟!

ضوى من خده الأيمن بريق(ن) ما لمثله نوض
كأن من جمر يوم الحشر في خديه معروضه

وانا عديت من يسراه مالي في حديثه خوض
تسابق خطوتي موت(ن) سكن في مفرق عروضه

وثم ازريت اقدم ساقي اللي ما برح بنهوض
ونفسي .. ما قويت اني اهجد نفس مفروضه

فتني شمسه الصافي وليل(ن) بالشعر منقوض
الا من شافه الدين سهى في باقي فروضه

وفيه من الحسان البيض.. وعهد(ن) ماهو بمنقوض
يزم الروح في وصله لو ان الروح مقبوضه

وله عرق(ن) من عروق النبي يوسف وأمره فوض
وفرقه عن جميع الخلق فرق النار والروضه

وانا ادري كل حي(ن) فوق جمر الآخره معروض
ولكن يا هني اللي غرف بيديه من حوضه

راعي الجيش!!

شـدّت عربهــم وأعلــن الحكْـم تفتيش
زود(ن) علـى حكــم المعـادي دفاشه

امّا خذيــت الحــــق يا راعي الجيش
ولا تـرى الموضـوع يكثــر نقاشه

عليـك يـا وقـت(ن) عثـا فيـه درويش
وقت(ن) عليم الله صعب(ن) معاشه

وانا غريب(ن) بيـن ربع(ن) مباطيش
ذباحـــــة(ن) لـلاش ساعــــة طياشه

نسل الرجال اللـي على راسهم ريش
امــــا ملـك .. ولا اميــــر(ن) وباشه

من قـدم ربعـي تخمش اللاش تخميش
وان قلت هبْـس . القلب زاد ارتعاشه

اليـا تعانـــق صامــل الشيش بالشيش
ينســـى ذليـــل اليـــوم لــــذة فراشه

عزّاه من ذكر(ن) غدى فيـه تشويش
صـار الـردي يهــرج ويكثــر حراشه!!
من قـال لــك حــق الرياجيـل تهميش؟
ناطــى علــى غاربــه حــزة هواشه

لكـــن قســم بالله لــو قلــت لـي ويش
ناس(ن) تزيـــد الجــو عــجّ وغباشه

يـالله فـي نـــو(ن) يســوق المراهيش
نــو(ن) عليـه الظلـع سهـل انتعاشه

يدرج شعـاب(ن) مدها السيل بشويش
حتــى ينــــش الورد عقــب انكماشه

يرخي علــى ستــر الغناديــر تنقيش
وينحـت علـى كبد المولع نقاشه

واليا غــدى في ســرة القلــب توحيش
ادخل علـى الله لا تصيـب الغشاشه

وانسى ترى ذا الحزن ما وكلك عيش
واذكر عشير(ن) واهج الشوق جاشه

وين انـت يـا خــدر العيـون المراييش؟
جفنــي على شوفك يزيد اندهاشه!!

ام اللثـــام اللـــي مزايـــــاه مـا حيش
والله ستــــره مْــن الحلـــوق النهاشه

يمشي كمــا مشــي المهــار المداغيش
حر(ن) يشيّــد وسـط قلبي عشاشه

غر(ن) عليـه الصبر اولى من الطيش
ويضفي على حزن الليالي بشاشه

واللي ينعّــش راعـــي الفكــــر تنعيش
واللـي تتــل القلــب ومضـة رماشه

واللي عسفت القــاف لأجلــه بتنشيش
شاعر ولي في كـل وادي نشاشه

لا ضـاع حقـي بيـن ضابــط وشاويش
أمـره مطـاع ومنزلـه فـي عراشه

ولا انــت مطراشــك نـرده بتهشيش
قدرك وكل من جاد يقبض معاشه

رد الجــواب الآن يــا راعي الجيش
ولا تـرى الموضـوع يكثــر نقاشه!!

الموضوع الأصلي : ديوان الشاعر مشعل العريعر الخالدي -||- المصدر : منتديات -||- الكاتب : ~( غفـوْة حُ ـلمـ ●•

**~( غفـوْة حُ ـلمـ ●•** · 06-14-2009, 08:15 PM

تبت يدا العذّال

شبّ الغضَى يا ليّن العـود شبّـه

شبّه وانا بعطيك قلبي ومـا بـه

شاعر ولي في وادي الشعر هبّه

ومالي مع الغاوين ساعة إجابـه

غالي ولك في القلب نبعُ ومصبّه

اعذب من الشهد المصفى شرابه

وأقرب من حبال المعاليق حبّـه

وأحن من عرق النسب والقرابـه

وأنعم من دْباب العناكيـب دبّـه

كنه على ريح الخزامـى ركابـه

دوك الغلا يـا زيـن بالله خبّـه

وإجفل ليا منـه بلـوك الذيابـه

بعض العرب ييبلاك من دون سبّه

وكثْر الغلا أحيان يـورث ذهابـه

قولت هلا في ساعة الضيق سبّه

الا من شْفاه الغضي يـا هلابـه

تبْت يدا العـذّال و ألفيـن تبّـه

والله يجير القلب من ما عثابـه

عهدي بها بلوى الشقاوي وطبّه

سبحان رب(ن) صوره واعتنابه

لو يلبس الهندام زانـه وضبّـه

ولو مرّ عود(ن) منه عوّد شبابه

اليا ضحك تزهر رياض المحبّـه

واليا بكى يفداه حمـل السحابـه

الشاهد الله لـو درى مـا تنبّـه

بإني أحبه حب ما ينحكـى بـه

حيثه على روس الغناديـر قبّـه

حتى خيال الوسم فوق إعتلا بـه

لو قلت له شبّ الغضى قام شبّـه

ما يدري ان الجرح زاد إلتهابـه

طلقات الرصاص

الشوق ينخر في ظلوعي مثل طلقـات الرصـاص!!

واللي نجى من طلقته .. يمسـي يعـد انصاصهـا

واللي يعذّبه الهوى ما حق لـه يطلـب قصـاص!

حسبي على دنيـا(ن) تضيّـع حقهـا وقصاصهـا!

حتى ضميري لا شكيته لأهل علـم(ن) واختصـاص

أزرو يعومون البحـور اللـي ضميـري غاصهـا

وسجّيت رجلي من سراب الوهم لبحـور الخـلاص

كنّـي سـوات البنـدق اللـي عـدّهـا قناصـهـا

وجّه على نيشانهـا .. واحْكـم مـدار الاقتنـاص

لكنه المسكيـن مـا حسّـب طيَـاش رصاصهـا!!

يا عزتي مالي عن صْروف الدهر غيـر المنـاص!

دنيا(ن) كوتني كـل مـا جنبـت عـن مفراصهـا!

لا صارت سلوم العرب تتبع بضاعـات الرخـاص!

بـارت سلعهـم مـا لزمنـي ذلهـا وارخاصهـا!!

ما هزني فـي دنيتـي صكـات أو هـز النـواص

لكنهـا هـزت ضميـري .. ولْ يــا رقّاصـهـا

والله لو يمشي علـى رجليـه لحـدود النمـاص!!

انـي لاقـص رمالهـا واصيـر انـا قصاصهـا!

يا محزمي .. يا بندقي .. يا صوت طلقات الرصاص

يا سلوتي بين العرب .. يـا عهدتـي واخلاصهـا

المبسم الفضي

الجادل اللـي تكـن القلـب وتخضـه

مرت وانا زاهـد(ن) بالغيـد متوضّـي

لا شافه الديّن اللي مـا نسـى فرضـه

قال الستر يالغضي نسّيتني فرضّـي!!

لا جض قلبي من صروف الدهر جضّه

يا زود صبري ويا طوله ويا عرضي!!

عضيت يدّي بشـوف الناعـم الغضـه

وانا احترق بالوله ويقول لي مضّـي!!

حتى النواجذ بكت مـن قـوة العضـه

واثره غرامه ما عاد ينفعـه عضّـي!!

بالله وش يبري الممدود فـي ارضـه؟

يا كود من شهْد هاك المبسـم الفضّـي

وبالله شعرك على مرج الندى قضّـه؟!

خليه يسقي من ديار الشقـى ارضّـي

لا سلهمت ثمّ شفـت العيـن مغْمضـه

كن الهدب سيف لا رديت بـه يرضّـي

وان كنت ناوي تزيد القلـب وترضـه

يا شيب عيني لك الخفّاق لو ترضّـي!

فداك قلبـي فـداك النبضـه النبضـه

لا والله الا فداك العمـر مـع نبضّـي

ولا قلت لك سيدي ليـل الهنـا مضـه

خلي خفوقي يعيش الليـل لا يمضّـي

وان قلت لي صاحبي طرفك وجب غضه

غضيت طرفي وقمت الليل مع فرضّي!!

درب الجزاله

بسهر الليل الطويل وبسهره في كـل ليلـه

شاعر(ن) يرقى المعالي يطلب دروب الجزاله

والقصايد في عروقي حبرها دمـي يشيلـه

وان طرالي بيت واحد تنثر حروفي سهالـه

والشعر بحر(ن) مسير لا طغى حدّر مسيلـه

صرت ارده من جنوبه يا عسى يبلغ شمالـه

بالبسيط وبالهجيني لو بحـر مافـي مثيلـه

نشرب بحور المعاني بالشعر شرب البيالـه

من عرفت العلم كله عاقل(ن) واتبع دليلـه

وانت ما ميزت دربك وش حرامه من حلاله

وما تزعزني رياح الحقد وفعـول السفيلـه

شوف راسي كيف راسي لو بلغ حد الثمالـه

شاعر(ن) يا خبل ظهره يسند الحمل ويشيله

ما يشيل الحمل مرهف لو ربطته في حبالـه

ما يردد شعر غيره كود رجـال(ن) هبيلـه

ردد الشعر الجزل يا لعنبـوه و كنـه آلـه

حورني والقاف عندك شايب ومكسور ميلـه

والشعر ماهوب قصـه عابـره ولا مقالـه

والمصيبه صار ينقد شاعر(ن) مافيه حيلـه

والجزاله في عروقه يا عسى للخيـر فالـه

لو نبيها بالقصايد .. عهد تسجد لي ذليلـه

يا غبي ما تدري اني بالشعر صاحب جلاله؟

مير حدك لا تحارش من لسانه يرتخـي لـه

ساكت وحاشم غلاك وعارف حدود الزمالـه

**~( غفـوْة حُ ـلمـ ●•** · 06-14-2009, 08:20 PM

إذا قلنا .. فعلنا

طرالي ذكر حي(ن) ما نسيتـه

رفيق(ن) بالمراجل لـه فـراده

ذكرته في حروفـي والقصايـد

عسى عمره سنين(ن) في مداده

وطرالي ذكر رجـال(ن) تكبّـر

جحد علمه ولا يبغـى الافـاده

فحَد ذكره تـرى دايـم يخلـد

وَحد ذكره غـدى هـم ونكـاده

امور(ن) بعضها ساطع وبايـن

وامور(ن) ما جلى عنها سواده

الا يا من عرفـت العلـم كلـه

وعرفت الشر من باقي رشـاده

الا يا من نكـرت الحـق فينـا

وجحد الحق تخريـب وبـلاده

ترى ما ينكـر التاريـخ عاقـل

ليا صارت علومه فـي زيـاده

حلومك والحقايق فرق شاسـع

خلطت الحلم مع باقـي سهـاده

فلا نامـت عيونـك لـو تكبّـر

ولا ذاقت طعـم ليـن الوسـاده

تحسب انك فطين وصرت تفهم

وفهمك مـا يجـي الا بركـاده

تسَمّع للونين اللي في صـدره

وش الرجـال مـن دون الأراده

وش الرجال لو ضاعت سُلومه

وكل(ن) له سُلومـه واعتقـاده

يحَسب اني نسيت اللـي قبلنـا

وكل(ن) يذكر الماضي وعَـاده

ولا منـك ذكـرت العلـم كلـه

فلا تنسى معي علـم و وِكـاده

وكاد العلم ياصـل كـل مسْمـع

لان ربعي لهم سبـق الريـاده

ترى اللي يجحد العلـم الموّكـد

يموت ولا بعـد ينفـع عنـاده

واذا كان الشعر بحر(ن) يسيّـر

بـرده ليـن يغمـرك بمـداده

واذا كان الفخر عيب ونقيصـه

ابفخر ليـن يكسيـك بسـواده

واذا عيب الرجل فخره بربعـه

فانا العيب المقيـم بكـل عـاده

ابفخـر بالخوالـد كـل حـزه

اليـن السـاس ينهـد بعمـاده

وبفخر بالرجال اللـي حداهـم

عظيم(ن) ما رجى منك الاشاده

وبفخر بالبيـوت اللـي كبيـره

مداخلهـا تراحيـب وسـعـاده

وبفخر بالسموت اللـي ورثنـا

وبفخر لا هَمَـا طلـق الزنـاده

لنا مجد(ن) عظيم بكـل ديـره

وحتى البحر يشهـد بإمتـداده

ولنا بين العرب قدر(ن) وقيمـه

وعلى الرجال لا يرخي شـداده

خوالد لـو نبيهـا جـت بذلـه

ونرقى كل مـا يحْلـى صِعـاده

خوالد عزوتي بيـض الفعايـل

هل الطولات في حرب ونـداده

بنـي خالـد ليـا قلنـا فعلنـا

وكم حر(ن) نشرد مـن بـلاده

شربنا الموت من مورد عذوبه

ونسقي مـن يعادينـا ركـاده

لأن العز مطلـب كـل ضامـي

وحنا بيرنـا عسْـر(ن) وراده

وانا من نسْل حيّاف الحبـارى

عريعر سادهـا نعـم السيـاده

فلا للمجد بعده مـن عظيـم(ن)

ولا بطن(ن) اجـادت بالـولاده

ومجدي ينولد في كـل لحظـه

ومجدك ميّت(ن) تعلـن حـداده

لاني من رجال(ن) قـد تعـدّو

وسَبَقنا قبل لا يسـرج جيـاده

ابن زيد العريعر فـي اصولـي

وكل حر(ن) سعى يبلغ مـراده

عرفت اني من رجال(ن) عظيمه

لنا في كـل رجّـال(ن) جـلاده

وصغير(ن) لو بغى عالي الثريا

تجي تسجد ذليله فـي مهـاده

ولكن حكمـة المولـى تعالـى

خَلَقـنـا للمـعـاد وللعـبـاده

ولا منه درى عن علـم ربعـي

فذكر الحـق اولـى باجتهـاده

وعلى خير البشر صلّي وسلِّـم

وربي لـه صلاتـي والشهـاده

الحر يفهم حده الإيماء

الهرج لا منه غـدى عشوائـي

يُفقد معاني حكمة(ن) جزلائـي

والجزل بيّن والجزالـه معنـى

مثل الشعر لو تحكـم الانشائـي

اسمع نصيحه شاعر(ن) يحكمها

من لابت(ن) افعالهـم بيضائـي

والخالدي لا ثار فيّـض بحـره

والفعل تشهدْبه عيـون الرائـي

والبحر لو مده طغى فـي مـده

يكْسر طروق الصخرة الصمائي

مشعل بن عريعر وكل(ن) يسمع

والعلم ياصل لو ورى سينائـي

وبعض العرب يتبع هواه وينسى

والنفس ليست للخطا عصمائـي

وسجيت فكري للشعر وطروقـه

ومارحت الاحق خطوة العرجائي

تدري بأن العلم نـور(ن) بيّـن

مثل البدر في الليلـة الظلمائـي

فالعبد يقرع بالعصـى مفهومـه

والحـر يفهـم حـدّه الايمائـي

ولو كنت تبغى للمعالـي ترقـى

بين الجدي وسهيل والجوزائـي

فتبع هدى ربي وشـرع محمـد

تلقى بهم منجى عن الاخطائـي

واعلم بـإن الله رب(ن) واحـد

فاعبده حتـى تبلـغ الفيحائـي

واعلم بان الروح ملـك الخالـق

سبحان ربـي مالـك الأرجائـي

ولا تاتي الساحر ولا تاوي لـه

فالسحر شرك وفعلة(ن) شنعائي

والمال زينه فاحذر انـك تُفتـن

واعلم بأن المال بعضـه دائـي

واحذر هروبك يوم زحف وفزعه

واقبل عليها ساعـة الهيجائـي

واحفظ لسانك عن هروج العيبه

ولا تقذف العذرا ولا النجلائـي

وجنب عن دروب الهوى وشعابه

وابعد خطى فكرك عن الفحشائي

فاللي خطى فكره تسابق رجلـه

يمشى ويتبع مصـدر الايحائـي

بيني وبين الجزل

شبيـت نـار وللهواجيـس وقّـاد

في مرقب(ن) خالي ولا لي نديمـه

ماني من اللي يقضي الليـل رقّـاد

وماني بمن يركض ورى شداد ريمه

فكره وتسري بي على غير منقـاد

واتبع شذا عطره وهبّـت نسيمـه

شاعر يحلّ الحـرف حلـه وعقّـاد

وبيني وبين الجزل وصله حميمـه

وشاعر فرض شعره على كل حقّاد

وش ضرني لا صار حكيه نميمـه

ولا همني وش قال عـاذل ونقّـاد

يا كود نقد اهل العقـول الحكيمـه

غيب عني

كيف بنسى وانت ما ظنك تهون

كيف بسلى وانت في عيني وحيد

دوك قلبي دوك روحي والعيـون

دوك كلي من عروقـي للوريـد

من يحبك ما اظن انـه يخـون

ما يخونك غير مجنون(ن) بليـد

كيف اعيش العمر دونك او بدون

حبك اللي حطني في كـل قيـد

يا بعد دنيا سحايـب والمـزون

يا عبير القلب يا فرحـه بعيـد

حالف انّي مـا تبدلنـي ظنـون

ولا تغيرني صدودك لـو تزيـد

غيب عني زيد في بعدك طعـون

دامك اللي ما تبي مشعل وزيـد

مارحمت اللي بحبـك امغبـون

كيف ترحم وانت قلبك من حديد

كيف ترحم من يمون و مايمون

حيث ذابت كل شمعـه والجليـد

وانت كنك مثل ماهـم يذكـرون

(بين ايديا واحس انـك بعيـد)

**~( غفـوْة حُ ـلمـ ●•** · 06-14-2009, 08:24 PM

هوى الغربي

البارحه هم(ن) على الراس يقزيـه

ويلعب به الهوجاس باقصاه وادنـاه

وش حيلة اللي بيح الوقـت خافيـه

ناسي من اسباب المقادير مـا جـاه

ان جيت ابخفي علة الراس يا هيـه

وانشد عن الخافـي ولا ودي القـاه

لا شك فكري كل مـا قلـت ببنيـه

يرقى على رجم الهواجيـس مبنـاه

حتى غديت من المشاريـه عانيـه

اسباب غر(ن) فزّع القلـب طريـاه

اللي يا بو خالد ليـا جبـت طاريـه

يفز له قلب(ن) عن العـوق يفـداه

لا نسنس الغربي عسى ريحها فيـه

ولا عسى صلف الهوا حار مسـراه

ربّع على صـدري وهـذى مفاليـه

ويحفر على عوج المعاليـق ذكـراه

يا قلبي اللي كل مـا غـاب غاليـه

وحارت به الايـام والوجـد يبـراه

وضاقت به الدنيا وكثـرت بلاويـه

كنه على جمر الغضى صار ممشـاه

قلـب(ن) يحبـك لا تذلـه وتفنيـه

خله عسى عذبـات الايـام ترفـاه

وانتا عرفت انـك تصـده وتنهيـه

وان كان ودك وادي الموت دسنـاه

جيت اسألك بالله ليـه انـت جافيـه

ولا حلا لك تسمـع اليـوم رجـواه

يوم ان قدري عند الاجـواد عاليـه

ماهو بحق(ن) ياريش العين تاطـاه

الحب نبع(ن) كدر الشـوق صافيـه

وانا سقيت المر مـن طـول فرقـاه

لا صافي(ن) يروي ولا الصبر يشفيه

غير ان صبري ضيق الشوق مثواه

وان كان يغليني فأنا اليـوم بغليـه

ولا غلاهم يا عسى المـوت يغشـاه

وان كان وده سرة القلـب بعطيـه

اللي علـى سلـم الاجاويـد مربـاه

والله من اسبـاب المقاديـر ينجيـه

وادعي اله العرش بالحيل وارجـاه

وان طالت الفرقـا و بانـت تواليـه

يستر عليه الله وانـا اقـول عـزاه

تنشد عن الحال؟؟

أنبيك ياللي تنشد الحـال وشلـون

قلبي غدا مكسور من عقب عـزه

والحال شوفه بين رمشين وعيون

دمع(ن) على الخدين في كل حـزه

والوجد فيني بين الاضلاع مسجون

والقلب ياوي لـك وللشـوق وزه

والقلب عوّد سبت الهـم محـزون

والشوق هز القلب ياخـوك هـزه

الله على قلب(ن) غدا فيه مزيـون

حلو(ن) نباه وفيـه هيبـه ورزه

له قدر عندي فالمعاليـق مكنـون

لا شك في عيني عظيم(ن) منـزه

قلب(ن) يحبك يالغضي فيك مفتون

امسى ذليل(ن) عقب ذيك المعـزه

وانا خفوقي ما رضى عيشة الدون

يا كيف ذل الوجـد قلبـي ولـزه

بالهون يا ظبي الطعاميس بالهون

اليا خذيـت القلـب تكفـى تعـزه

مـن رجــال فــذّه

يا سعود هاك العلم لا جاك مـرواح

علم(ن) عرفتـه لا تـدوّر مشـذّه

علم(ن) خذه مني ترى فيه مصلاح

وانتا عرفت إني من رجـال فـذّه

وانتا عرفت ان الهوى ذلّ وجـراح

وان العمر لو طال موتـك يجـذه

وان الدهر بلوى ولا فيـه مرتـاح

وان الفكر ذيب(ن) ليا جـاع غـذه

وان الصبر سلوى وغايه ومربـاح

وان الفرج يمطر على الصبـر رذه

يا سعود لو تدري عن الهم يا صاح

هم(ن) على قلبي مقيـم(ن) يقـذه

والقلب لا منه رقا كـل مـا طـاح

يلقـى بالايـام المقابـيـل لــذه

والمعذره لا صرت بالوصْل شحاح

الحزن للمحـزون والشـوق بـذه

يا صاحبي ياللي لك القلب يرتـاح

ياللي سمعت الشور يا صاح حـذه

هجينيه

الزين وده على البيعـه

لا راح خلي انا من لي؟

والله يا سعود ماطيعـه

لا صار في القلب متسلي

يحكي ونقض مواضيعه

ويقول وده على حلّـي

جرّع قليبـي قراطيعـه

يوم الهوى صار متصلي

من عقب مسكن مرابيعه

يغزي على القلب يحتلي

لو كنت ادري بتفزيعـه

ما رحت اصفق ولا اهلي

ودي من القلب تقليعـه

مثل الرحى يوم ينسلـي

اسهل على القلب توديعه

لاني فلا عشت منذلـي

والله يا سعـود لابيعـه

لأن السبب صار متجلي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصيدة الخالدي طز في العروبه وطز في كل عربنا	¬»مـَلآمِحْ يـgسِفيّـه௫	قصائد - قصائد شعراء - قصائد منقوله - خواطر منقوله	6	11-16-2009 09:30 PM
ديوان الشاعر نواف بن فيصل صوتي - ديوان اسير الشوق صوتي	لبىآ توـآصيفك ~	قصائد صوتيه - قصائد مسموعه	2	10-30-2009 04:37 AM
الوزن الثقيل ديوان الشاعر سلطان الهاجري كامل بالصوت	~( غفـوْة حُ ـلمـ ●•	قصائد صوتيه - قصائد مسموعه	7	09-08-2009 08:04 AM
ديوان الشاعر عبدالرحمن بن مساعد صوتي	لبىآ توـآصيفك ~	قصائد صوتيه - قصائد مسموعه	3	06-30-2009 05:15 AM
الديوان الصوتي للشاعر بدر الصبيحي الخالدي	~( غفـوْة حُ ـلمـ ●•	قصائد صوتيه - قصائد مسموعه	2	06-16-2009 03:40 PM

اعلانات نصية
روايات 2010	قصائد صوتية 2010	كتاب نهاية العالم محمد العريفي	انشودة زين 2010	وظائف 2010
حلويات بالصور	ديكورات 2010	قصات 2010	تسريحات 2010	فساتين 2010
صور انمي	زفات	صور×صور	روابط نقل المباريات	كتاب فتافيت للطبخ
وسائط صوتية	صور شباب للتصميم	رموز ماسنجر	صور ماسنجر رومانسيه	توبيكات رومنسيه 2010
احتاجك	مقاطع رقص	خطوط 2010	برامج 2010	ثيمات 2010

لطلب اعلان	اعلانات منتديات احتاجك

الذين يشاهدون محتوى الموضوع الآن : 2 ( الأعضاء 0 والزوار 2)

ديوان الشاعر مشعل العريعر الخالدي

للمزيد من مواضيعي