أنظم لمتآبعينا بتويتر ...

آو أنظم لمعجبينا في الفيس بوك ...
قديم 05-02-2012, 10:28 PM   #1

|عضو مميز |




A6 قصيدة الشايب ماني بناسي قصة صارت وانا ازور القبور سمير البشري يوتيوب + كلمات





قصيدة الشايب [ ماني بناسي قصة صارت وانا ازور القبور ] سمير البشري يوتيوب + كلمات


يالله وانا طالبك تغفـر لـي ذنوبـي يـا غفـور=ارجيك والجا لك وانـا سالـك واعيـد المسألـه
لوما تطهرنـي بعفـوك مـا تطهرنـي البحـور=جيتـك وذنبـي قـد تعـلاّ غاربـي يـا مثقلـه
أنا من الطين انخلقت , أخطـي ولانيـب معـذور=قامت علي الحجّـه بدعـوة رسلـك المرسلـه
مؤمن بتوراتـك و إنجيلـك و مؤمـن بالزبـور=و بسنّـة محمـد وآيـات الكـتـاب المنـزلـه
لكن خُدعت بزخـرف الدنيـا وزادتنـي غـرور=أبدت مفاتنهـا و ورتنـي مـن العمـر اجملـه
طبعاً بما إنـي بنـي آدم حصـل منّـي قصـور=واذنبت يـا مـولاي ذنـبٍ بالخفـا مـا تجهلـه
أسألك تغفر لي و تستر موقفـي يـوم النشـور=اليا القفت خلقـك صحايفهـا وهـي مستذهلـه
من يستلمها بالشمال افلس وهـو يدعـو ثبـور=ومن يستلمها باليميـن افلـح لخيـر المنزلـه
واسألك يا ربـي تعاونّـي علـى نيـل الأجـور=أحيا حيـاةٍ مكسبـي فيهـا مـن البـر افضلـه
واسألك جاهٍ مع هـل الدنيـا وحـظٍ مـا يبـور=أيضاً وعرفٍ مـع هـل الحكمـه ورزقٍ تكفلـه
من لا تهيّا لـه مقـامٍ مـع طويليـن الشبـور=يبكي على ما ضاع من عمره وخيبـات عملـه
وان شاب راسه لا ترجّى فيـه تجبيـر الكسـور=لا خير فـي تالـي زمـانٍ مـا تغانمـت اوّلـه
ومانيب ناسي قصةٍ صـارت وانـا ازورالقبـور=لازلـت افكـر فـي غرابتهـا وبالـي تشغلـه
ساعة ظهر لي شايبٍ له حول قرنيـن محجـور=في جوف قبرٍ عن هـل الدنيـا طـواه ويعزلـه
سلّم وجا صوبي يقول : ابنشـدك يللـي تـزور=عن حالة الدنيا وعن وضع الزمان وعـن هلـه
أنا مضى وقتي ومـرّت بـي طويـلات الدهـور=والباقـي بعمـري بعيشـه بينكـم واستكملـه

قلت : الزمان اللي يبارينا علـى خبـرك يـدور=الوقت نفسـه مـا تغيّـر ماشـيٍ فـي جدولـه
أما البشر , , , لا والله الاّ غير من حد الجـذور=صار انتقالٍ مـن يميـن الـى يسـار المنقلـه
استغرب الشايب من اللي قلـت وبليّـا شعـور=حط اليمين اعلىالشمال وخاطـره فيـه اسئلـه

قال : افتني عن حالة الشيبان والشيـخ الوقـور=أهل الخبر والراي والحكمـه وضـرب الأمثلـه
القدوه اصحاب الأمور اللي تطـاع بكـل شـور=اللـي يفضّـون النـزاع ويحكمـون المشكلـه

قلت : البعض منهم على ما قلت في وصفك وقور=قدوه ولكن رايهـم مـا ينفـرض فـي مسألـه
الطاعه العميـا بقـا منهـا مجاملـة الحضـور=اللـي تلاقيهـا مـع اوّل فـرصـةٍ متنصّـلـه
والبعض لا عبـدٍ يخـاف الله ولا عبـدٍ شكـور=لا زهّـده شيبـه مـن الدنيـا ولا هـو جمّلـه
بهيمةٍ يرجـع علـى منحـاه الاوّل ومحصـور=فـي لعـب بيلوتـه وريـح زقارتـه ومعسّلـه
والبعض الآخر شابت رموشه على درب الفجـور=ينقـل جـوازه للسفـر مـن مزبلـه لا مزبلـه
أشيمطٍ زانـي قضـا عمـره بحانـات الخمـور=والعايلـه ورعٍ يغـرّر بـه وبـنـت مهمّـلـه

قال : افتني عن حالة الخفـرات ربّـات الخـدور=اللي تصـان بـبيـت عايلهـا و بابـه تقفلـه
شيهانةٍ تشمخ عفاف وتصقـل فـروخ الصقـور=بين الفريق بـبشتهـا الضافـي وتـوبٍ تسبلـه

قلت : العـذارى فـي زمنّـا ببغـاوات الطيـور=تقليد هرج و عرض ريـشٍ خلفهـا تستخملـه
تلبس عباةٍ ضيّقـت حـول الردايـف والخصـور=فضيحةٍ تكشف جسدها مـن علـوّه لـاسفلـه
وموضة شيالٍ تكشف الوجنات والـوان الشعـور=والمحـرم تبـدّل بـجـوالٍ بيـدهـا تحمـلـه
لا فوّحت صفر الدلال ولا عرفت غـش القـدور=تطبـخ لـهـا خـدّامـةٍ بالعايـلـه متوكـلـه
الأم ما صانت عفاف البنت من عمـر الزهـور=والأب ديّـوثٍ تحكـمـه حـرمـةٍ مسترجـلـه
وشلـون يتربّـى عيـال ام التبـرّج والسفـور=الاّ خنـازيـرٍ دمـاهـا بــارده ومغـفّـلـه

قال : افتني بحال الشباب الصلب صيّـاد النمـور=الفـارس اللـي ينطـح خصومـه بزنـدٍ يفتلـه
الوافي الشهم الغيور اللي لعرض الجـار سـور=البار عند امّـه وابـوه وعلـم ربعـه يشغلـه

قلت : الشباب بوقتنا وجهه مثـل بـدر البـدور=والجسم من زود الرخا ما تنفتـل فيـه عضلـه
قصّـة شعـورٍ صيّرتهـم لا إنـاث ولا ذكـور=والثـوب راح ولا بقـى الاّ عـالـمٍ متبنطـلـه
ناسٍ ( فلنتينو ) وناسٍ تلبـس ( كرستانديـور )=صار التنافـس بينهـم فـي لبسهـم والجنتلـه
من كان يشرب من قرار البير مشروبه ( بيور )=والبل راعيها غدا يشـرب حليـب ( النستلـه )
مامنهم اللي قام دون اعـراض جيرانـه غيـور=من قام قالو , , وشـملقّف حضرته ؟ وشـدخّله
والوالدين حقوقهم ضاعت وعنهـم فـي نفـور=ان غـاب عنهـم لا تذكرهـم ولا جـاه الولـه
بدّا عليهم شلّـةٍ تهـوى الوطـا بيـن الجحـور=لو تعزله عنهم تبـي لـه شـان كنّـك تقتلـه
ما راح يوم يشارك ربوعه بحـزن ولا سـرور=حتى ابن عمّه يعرفه بالوجـه واسمـه يجهلـه
بدّل حكاه وضيّـع سلومـه وحالـه فـي دبـور=وان شاف ضيف يخش حتى انّه يفـارق منزلـه

ناظر لي الشايب بعينٍ تجمـع السبـع البحـور=يقول : انا لا يمكـن ادخـل مجتمعكـم واقبلـه
انتو لكم وقتٍ تصـدّع مـن بلاويـه الصخـور=ما يقعد الجمّال به ساعـه ولـو ضـاع جملـه





rwd]m hgahdf lhkd fkhsd rwm whvj ,hkh h.,v hgrf,v sldv hgfavd d,jd,f + ;glhj








انشر الموضوع




  رد مع اقتباس


قديم 05-02-2012, 11:01 PM   #2

يً المشآعـــر ابردي مابي احس !




افتراضي رد: قصيدة الشايب ماني بناسي قصة صارت وانا ازور القبور سمير البشري يوتيوب + كلمات




-
تسلم هآلآنآممل ..
مشكوورهه ولآ هنتٍ . .










  رد مع اقتباس

قديم 05-04-2012, 01:16 PM   #3

| عضو |




افتراضي رد: قصيدة الشايب ماني بناسي قصة صارت وانا ازور القبور سمير البشري يوتيوب + كلمات




انتقآء جميل يـَ غآليه

عوآفي ودمتِ










  رد مع اقتباس

قديم 05-04-2012, 01:29 PM   #4

¬ مشَرفةَ Iphone ✿




افتراضي رد: قصيدة الشايب ماني بناسي قصة صارت وانا ازور القبور سمير البشري يوتيوب + كلمات




تسلم الايااادي ع القصيده الحلوه
ربي يعطيك الف عافيه ./~
دمت بخير










  رد مع اقتباس

إضافة رد

مواقع النشر (المفضلة)

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر رد
∫~☀أنشودة ضيعت دربك والخسارة وخيمة☀ ~∫- سمير البشري .. N̷O̷W̷A̷7̷ اناشيد , اناشيد اطفال , اناشيد اسلاميه , اناشيد mp3 5 12-05-2011 07:40 PM
انشودة الشايب سمير البشيري mp3 و يوتيوب [ غفوة حُلم ] اناشيد , اناشيد اطفال , اناشيد اسلاميه , اناشيد mp3 4 11-05-2011 07:01 PM
اناشيد سمير البشيري يوتيوب , اناشيد اسلامية سمير البشري يوتوب [ غفوة حُلم ] اناشيد , اناشيد اطفال , اناشيد اسلاميه , اناشيد mp3 2 04-18-2011 07:31 PM
انشودة انا اليتيم - نشيد انا اليتيم لـِ سمير البشري ~[ ŧĩMξŎųť اناشيد , اناشيد اطفال , اناشيد اسلاميه , اناشيد mp3 16 11-05-2010 03:53 PM
اناشيد البوم اجامل للمنشد سمير البشري , تحميل اناشيد البوم اجامل للمنشد سمير البشري sweet moon اناشيد , اناشيد اطفال , اناشيد اسلاميه , اناشيد mp3 19 08-31-2010 11:35 PM





الساعة الآن 05:40 AM.


Privacy-Policy-Copyright
Powered by vBulletin® Version
Copyright ©2000 - 2014, vBulletin Solutions, Inc.
Search Engine Friendly URLs by vBSEO 3.5.2



تنبية :كل ما يطرح من مشاركات يمثل رأي كاتبة ولا يمثل رأي إدارة الموقع




تطوير : دكتور ويب سايت